البقاء لله
مش لاقيين كلام نقوله من شدة الحزن
لا إله إلا الله
و إنا لله و إنا إليه راجعون
المدونة دى كانت معمولة فى الاساس علشان مدونين بورسعيد
يدخلوا هنا و يعبروا عن حبهم للبلدهم و يكتبوا كلام فى عشق ترابها
كنا بنجهز البلوج لده
بس اللى حصل خلانا لازم نتكلم
لازم كمدونين البلد دى
نقف ايدينا فى ايد بعض فى محن بلدنا
و ولاد بلدنا
اللى حصل كان صعب اوى
كان قاسى اوى
=======
الحادثة
الاتوبيس358البحر الاحمر
تابع لشركة " انتر جولف للسياحة
كان فى طريق عودته بشباب بورسعيد
لحضن بلدهم بورسعيد
لكن القدر و امر الله طبعا
و رعونة و استهتار بارواح ابرياء
منعهم من الحصول على اخر امانيهم فى الحياة الدنيا
بس ان شاء الله هيحققوا كل امانيهم فى الحياة الاخرة
لما كان كل حلمهم فى اللحظات دى
انهم يلاقوا اهاليهم فى انتظارهم فور دخولهم بورسعيد
وجدوا فعلا اهالي بورسعيد كلهم ينتظروهم
ليودعوهم لمثواهم الاخير
نعم اهالى بورسعيد اهاليكم
كلها تبكيكم
و ناخد العزاء فيكم
و ننتظر الصبر عن مصيبتنا
وداعا اخواتنا فى بورسعيد
اهالينا اسر الشهداء
فقد مات ابنائكم شهداء
و لكن الآن لكم آلاف الابناء
فهل تقبلوننا ابناء لكم
نعلم اننا مهما قلنا لم نستطيع ان ننسيكم آلامكم و آلامنا
و حزنكم و احزاننا على فراق احبابكم و احبابنا
و اصدقائكم و اصدقائنا
و لكننا نعلم ان الايمان بالله عامر فى قلوبكم
فلنصبر و لنحتسب
======
اخوانى مدونى بورسعيد فى مدونتنا
نعلن مبادرة مدونى بورسعيد
للتضامن مع اسر الضحايا و المصابين و طلاب كلية تربية نوعية
فى مصابهم و مصابنا الأليم
قررنا نحن مدونى بورسعيد أن
يكون لنا دور ايجابيا فى هذه المأساة
اكيد فى حاجات محتاجنها للمصابين
اكيد عايزين دم
اكيد زمايلهم محتاجين دعم معنوى
لازم نكون اقرب من الحدث علشان نعرف اكتر
ممكن نعمل ايه
الاول احنا هنسأل على موضوع حاجة المصابين للدم دى
هننزل الكلية للطلبة و نحاول نكون جنبهم
ساعدونا بالمعلومات
اللى ممكن من خلالها نساعد و لو بحاجة بسيطة
احنا هنستقبل أى اقتراحات من اى مودن فى مصر كلها
او فى أى حتى فى العالم
من اى انسان عايز يكون معانا فى العمل ده
فكر معانا
دى اقتراحات اللى اتعرضت دى
و متروكة للنقاش
======
ينعى مدونى بورسعيد
اخوانهم من أبناء بورسعيد الذين
راحوا ضحايا لحادث أليم
و يدعون الله لهم بالرحمة و المغفرة
و لاسرهم الصبر و السلوان
و نعلن الحداد فى مدوناتنا لمدة أسبوع
و إنا لله و إنا إليه راجعون
======
للتواصل معانا بالافكار
عن طريق الكومنتات فى البلوج
او الايميل
ولمتابعة تفاصيل الحادث
زورا موقع
posted by portsaid at
5:26 PM
16 Comments:
البقاء لله
ولكن لابد من وضع حد للاهمال
فقد علمت
من رضوى صاحبة مدونة ساعة الغروب
http://www.roudym.blogspot.com/
ان الاوتوبيس كان بدون فرامل
مثلما كانت العبارة غير صالحة
مثلما كان مسرح بنى سويف غير صالح
مثلما
كان الدم ملوث
والماء ملوث
والهواء ملوث
واللبن ملوث
مصر كلها ملوثة
...
ماعلينا
على راى احمد فؤاد نجم
حد ضامن يمشى آمن
أو مآمن يمشى فين
البقاء لله
البقاء لله
لازم نحقق ونشوف ايه السبب
اولا البقاء لله
ثانيا طبعا زى ما انتوا عارفين احنا فى مصر يعنى لما نقول مصر ممكن نختصر كلمة مصر ونقول الاهمال او التسيب
بس ده برضه قدر ربنا سبحانه وتعالى والله يرحمهم برحمته وان شاء الله دول شهداء لانه كانوا فى رحله علميه وطبعا ربنا يستر على نقل الدم ليهم ومايكونش ملوث ماهو الايام دى معتش فى حاجه مضمونة خلاص
إن لله وإن إليه لراجعون
لله ما أعطى ولله ما أخد
وحسبي الله ونعم الوكيل
انا لله وانا اليه راجعون
البقاء لله
لا حول ولا قوة الا بالله ان لله وان اليه راجعون ان شاء الله ربنا يرحمهم ويغرفو لهم لان الرحله كانت رحلة علمية باذن الله وهما شهداء بورسعيد ان شاء الله
ان لله وان اليه راجعون
حادث مؤلم
ربنا يرحمهم
الاستاذ :
شمعى أسعد
أملنا فى ربنا كبير
و شكرا ليك
و منجيلكش فى حاجة وحشة
مدونى بورسعيد
الاستاذ
حسام مراد
البقاء و الدوام لله
الاستاذ
khaled
البقاء و الدوام لله
و ان شاء الله لا يضيع حق وراءه مطالب
شكرا
الاستاذ
Ahmed AL-Hussany
البقاء و الدوام لله
صاحب البوابــة :
البقاء و الداوم لله
style_Dance
شكرا
و نسأل الله ان يغفر لهم و يرحمهم
و يخفف آلام المصابين و يصبره اهالى الضحايا
daktara :
حقا حادث مؤلم
قدر الله و ماشاء فعل
و انا لله و انا اليه راجعون
شكرا لكل من ساهمنا و رد فى المدونة هنا او فى اى مدونة من مدونات البورسعيدية اللى مشاركين معانا فى الحملة
و ربنا يجعلها اخر الاحزان
مدونى بورسعيد
Post a Comment
Subscribe to Post Comments [Atom]
<< Home